गडचिरोली : आरमोरी तालुक्यातील सालमारा येथील एका इसमास वाघाने ठार केल्याची घटना उघडकीस आली. सदर घटना ही दि. २९ ऑगस्ट २०२२ रोजी सकाळी ८.०० वाजताच्या सुमारास सरपण गोळा करण्यास जोगी साखरा जवळील शंकरनगर नाल्यालगत कक्ष क्र.४७ च्या राखीव जंगलात आपल्या २ सहकार्यासोबत गेले असता सरपण घोडा करत असताना अचानक वाघाने हल्ला करून ठार केले. मृतकाचे नाव बळीराम शिवराम कोलते वय (४७) वर्ष असून रा. सालमारा, तालुका आरमोरी असे आहे.
सदर घटनेची माहिती सोबत असलेल्या सहकार्यांनी गावकऱ्यांना दिली व ग्रामस्थांनी घटनेची माहिती वन विभागाला दिली. माहिती मिळताच वनविभागाचे कर्मचारी घटनास्थळी दाखल झाले व मौका पंचनामा केला.
परिसरात वारंवार होत असलेल्या वाघाचा हल्ल्यामुळे वाघाचा बंदोबस्त करण्याची मागणी सतत होत आहे. पुढील कारवाई वन विभागातर्फे करण्यात येत आहे.
