तळोधी बा.; तळोदी बाळापुर वनपरिक्षेत्र अंतर्गत येणाऱ्या सावरगाव येथील बोथली च्या तलावात मच्छीमारांनी लावलेल्या जाळात अडकवून असलेल्या दोन सहा – सहा फूट लांबीचे अजगर सापांना पकडून आज सुरक्षित ठिकाणी सोडून जीवदान देण्यात आले.
सावरगाव येथील भोसरीच्या तलावात साप अडकून असल्याची माहिती मिळतात सर्पमित्र घुश्मेश्वर बोरकर व विकास बोरकर यांनी दोन्ही प्रत्येकी सहा फूट लांबीचे अजगर सापांना मच्छीमारांच्या जाळ्यातून सोडवून आणले. त्यानंतर वन विभागाला याची माहिती देण्यात आली व त्यांना जंगलात सुरक्षित ठिकाणी सोडण्यात आले. यावेळेस सर्पमित्र घृष्णेश्वर बोरकर, स्वाब चे अध्यक्ष व सर्पमित्र यश कायरकर, स्वाबचे सदस्य विकास बोरकर, वेदप्रकाश मेश्राम, आलेवाही पि.आर.टी. सदस्य सचिन रामटेके, सिद्धार्थ गायधने, तळोधी बा. चे वनरक्षक एस. बी. पेंदाम आदि उपस्थित होते.
