कोल्हापूर :
कोल्हापूर जिल्ह्यातील ता.बुडरगड , मौजे शिवडाव येथील माजी पोलीस पाटील वसंत महादेव वासकर वय 55 वर्ष , यांच्या राहत्या घरी मिळालेल्या गुप्त माहितीवरून दिनांक 3.सप्टेम्बर 2021 रोजी सकाळी 12 वाजताच्या सुमारास छापा मारण्यात आले असता त्याच्या घरात 3 वाघ/बिबट नखे व एका वन्यप्राण्यांचे काळीज व शिकारीसाठी वापरलेली बंदूक ही हस्तगत करण्यात आली.
या संदर्भात वसंत महादेव वासकर यांना अटक करण्यात आली .
तसेच तपास दरम्यान मिळालेल्या माहितीनुसार तीन नखे घरातील स्वयंपाक घरात हळदीच्या डब्यात 3 तीन नखे लपवून ठेवले व दोन नखे त्यानी एकास विकले व वन्यप्राण्यांचे काळीज त्याने फ्रीड्ज मध्ये लपवून ठेवले होते. तसेच 720 ग्राम मांस, बारा बोअर बंदूक, 13 जिवंत काडतुस, तीन बिबट्याचे नखे व एक बंदूक जप्त करण्यात आली.
सदर आरोपी ह्याने ह्यापूर्वी जंगलात असे अनेक कारनामे एक जीप व बंदूक घेऊन केले असल्याचे खात्रीशीर माहिती मिळाली आहे.
कोल्हापूर परिक्षेत्र मुख्य वन संरक्षक डॉ व्ही क्लेमेंट बेन व उप वनसंरक्षक आर.आर.काळे यांच्या मार्गदर्शनाखाली सदर कारवाही मध्ये सहायक वनसंरक्षक नवनाथ कांबळे, वनक्षेत्रपाल फिरते पथक युवराज पाटील, वनक्षेत्रपाल अशोक वाडे, किशोर आहेर, सुनील खोत, मानद वन्यजीव रक्षक सातारा तथा वन्यजीव अपराध नियंत्रण ब्युरो सदस्य रोहन भाटे , मानद वन्यजीव रक्षक सांगली अजित कुमार पाटील व वनविभागाचे इतर वनपाल संदीप शिंदे, वनरक्षक जॉन्सन डिसोझा, पोलिस कॉन्स्टेबल प्रदीप भोसले हे सहभागी झाले होते.
पुढील तपास सहहायक वनसंरक्षक नवनाथ कांबळे करीत आहेत.
